(E plotesuar)Kujtim Gashi do të jetë kandidat i PDK-së për kryesues të Kuvendit Komunal në Prizren. Gashi ka marrë edhe përkrahjen e Kryesisë.
“Në mbledhjen e Degës së PDK-së, e cila është mbajtur sot Nijazi Kryeziu, kryesues i deritanishëm i Kuvendit Komunal për dy mandate, duke e vlerësuar lartë besimin e kuvendarëve të cilët i dhanë besimin për dy mandate ka falënderuar strukturat drejtuese te PDK-se dhe ka propozuar që unanimisht kuvendarët e PDK dhe partnerëve të koalicionit ta mbështesin kandidatin e PDK Kujtim Gashi”, njotoi zëdhënësi i PDK-së, Samir Hoxha
“Andaj në mbledhjen e kryesisë së degës dhe me kuvendaret e PDK-së, me unanimitet të plotë janë përcaktuar se i propozuari i PDK-së, për kryesues të Kuvendit për këtë mandatë, të jetë Kujtim Gashi”.
Mblidhet Kryesia e PDK-së në Prizren
Kryesia e PDK-së në Prizren, pritet të mbajë sonte një mbledhje në ora 19:00. Burimet e “PrizrenPress”-it bëjnë të ditur se në këtë takim do të diskutohet për emrin e kryesusit të Kuvendit Komunal dhe drejtorëve të rinj të “Qeverisë Muja III”.
Kuvendi Komunal i Prizrenit, nesër ka ftuar asambleistët për të zgjedhur kryesuesin. Në mbledhjen e fundit të Kryesisë së PDK-së janë propozuar dy emar për kryesues; Nijazi Kryeziu dhe Kujtim Gashi.
“Sonte do të vendoset se kush do të jetë kandidat për kryesues”, tregon burimi. Sipas të njëjtit burim në këtë mbledhje do të diskutohet edhe për formimin e qeverisë së re “Muja III” /PrizrenPress.com/