Ardian Ismajli po kalon në formë jetësore me skuadrën e Empolit në Serie A.
Ismajli është bërë një shtyllë e mbrojtjes së skuadrës italiane dhe është njëri nga mbrojtësit më të vlerësuar aktualisht në Serie A.
Forma e mirë e mbrojtësit nga Prishtina po shfaqet edhe të kombëtarja e Shqipërisë, ku po tregon paraqitje fantastike në këtë edicion të Ligës së Kombeve.
Ndeshjet e mira që po zhvillon qendërmbrojtësi kanë rënë në sy të shumë skuadrave të njohura evropiane dhe nuk përjashtohet mundësia që në janar ai të ndërroj ambient.
Është Juventusi skuadra që ka shprehur interesim për reprezentuesin e Shqipërisë dhe e dëshiron transferimin e tij që në janar.
Lëndimin i Gleison Bremer ka bërë që “Zonja e Vjetër” të kërkojë një qendërmbrojtës në janar dhe Ismajli është në listën e dëshirave të Thiago Mottas.
28-vjeçari po kalon edicionin e tij të katërt në Serie A, ku për një sezon luajti te Spezia, ndërsa që nga viti 2021 është pjesë e Empolit.
Ismajli ka qenë kapiten i Kosovës U21, ndërsa në vitin 2018 iu bashkua kombëtares A të Shqipërisë.