Kosova ka triumfuar kundër Azerbajxhanit me rezultat 81:79 (20:21, 23:20, 17:18, 21:20).
Në një sfidë dramatike deri në fund, Dardanët kanë arritur të triumfojnë, duke shënuar fitore shumë të rëndësishme në parakualifikimet për FIBA Kupën e Botës 2027.
Te Kosova u dalluan Mikaile Tmusiq me 21 pikë e katër kërcime dhe Divine Myles me 16 pikë, pesë kërcime dhe gjashtë asistime.
Kosova tani ka dy fitore dhe tri humbje, ndërsa Azerbajxhani një fitore dhe katër humbje. Lidere është Zvicra me pesë fitore, kurse Irlanda ka dy fitore e tri humbje.
Kosova të dielën përballet me Zvicrën në ndeshjen vendimtare për të kërkuar kualifikimin në fazën e ardhshme./PrizrenPress.com/
