Komuna e Mamushës dhe Islamic Relief Kosova në kuadër të bashkëpunimit në projektin “Mbështetja e fermerëve të Mamushës me mjete bujqësore” kanë shpërndarë mjete të avancuara për bujqit e kësaj ane.
Sipas njoftimit, ky angazhim synon të mbështesë zhvillimin e bujqësisë lokale.
“Si pjesë e këtij projekti, 155 bujq janë pajisur me plugje të thella me pesë leva dhe disqe”, thuhet në njoftimin e Komunës së Mamushës.
Këto pajisje janë shpërndarë në ceremoninë, ku ka marrë pjesë Kryetari i Komunës, Abdülhadi Krasniç, dhe përfaqësues nga Islamic Relief Kosova. Me këtë rast janë nënshkruar kontratat me bujqit përfitues, për të garantuar shfrytëzimin e duhur të pajisjeve.
Kryetari Krasniç, ka bërë të ditur se në bashkëpunim me Islamic Relief Kosova gjatë këtij viti janë mbështetur gjithsejtë 242 bujq me pajisje bujqësore.
Ai është shprehur mirënjohës për këtë mbështetje, që sipas tij kontribuon në zhvillimin e sektorit bujqësor në Mamushë.
“Këto pajisje janë një investim i rëndësishëm për bujqësinë lokale dhe jam i bindur se do të ndihmojnë fermerët në punën e tyre të përditshme. Ne do të vazhdojmë mbështetjen jo vetëm për bujqit, por edhe për sektorët e tjerë të ekonomisë lokale”, është shprehur Krasniç, raporton Telegrafi.
Ky projekt sipas organeve komunale pritet të ketë ndikim pozitiv edhe në rritjen e prodhimit dhe të cilësinë së produkteve bujqësore.
Marketing
Kliko linkun:https://www.facebook.com/PrizrenPress/videos/626637926787976
