Një burrë është gjetur i pajetë mbrëmjen e së dielës në një banesë në Suharekë. Viktima, Sh. M. (1983), dyshohet se ka kryer vetëvarje.
Rreth orës 19:50 të së dielës, Policia e Kosovës është njoftuar nga Qendra e Urgjencës në Suharekë për pranimin e një trupi të pajetë.
Zëdhënësi i Policisë për rajonin e Prizrenit, Shaqir Bytyqi, ka konfirmuar për RTKlive se bëhet fjalë për viktimën Sh. M. (1983), mashkull, banues në Suharekë. Sipas të dhënave fillestare, ai është gjetur i varur në banesën e tij nga familjarët.
Njësitet hetuese të Policisë ndodhen në vendin e ngjarjes dhe po merren me rastin, ndërkohë që pritet të kryhen edhe procedurat e nevojshme mjeko-ligjore për të sqaruar rrethanat e vdekjes.
