Prokuroria Themelore në Prizren ka ngritur gjashtë aktakuza kundër gjithsej 12 personave, të cilët akuzohen për një sërë veprash penale, duke përfshirë vjedhje, sulm, kanosje dhe dhunë në familje.
Dy aktakuza janë ngritur ndaj dy personave për veprën penale të “Vjedhjes”. Po ashtu, një aktakuzë tjetër rëndon mbi gjashtë individë, të cilët akuzohen për “Sulm” dhe “Lëndim të lehtë trupor”.
Ndërkohë, dy persona përballen me një aktakuzë për veprat penale të “Kanosjes”, “Sulmit” dhe “Dhunës në familje”.
Prokuroria ka ngritur gjithashtu një aktakuzë ndaj një personi për “Lëndim të lehtë trupor”, si dhe një tjetër ndaj një personi për “Vjedhje të rëndë” dhe “Mbajtje në pronësi, kontroll ose posedim të paautorizuar të armëve”.
Marketing
