Ende pa kaluar stina e dimrit në rajonin e Prizrenit janë regjistruar vatra të zjarrit duke parapaljmëruar kështu një situatë jo normale të djegies së pyjeve, në vargmalet e Sharrit, që janë edhe pjesë e Parkut Nacional.
Një zjarr i ndezur pasditen e djeshme në fshatin Pllanian të Luginës së Lumbardhit është përhapur shumë shpejt duke rrezikuar kështu pyjet me pisha në këtë territor.
Hazir Berisha, zëdhënës i PK-së thotë se janë dy persona të dyshuar, por aktualisht ende nuk janë identifikuar.
Drejtoria rajonale e pyjeve e sheh si paralajmërim të rrezikshëm, për shtrirjen e zjarreve në pyje. Ixhinieri Naim Ramadani thotë se programi për shuarjen e zjarreve i bazuar në udhzimin administrativ 22/ 2007-të, përcakton se sezona për shuarjen e zjarreve është paraparë duke filluar më 1 qershor deri më 15 shtator.
Zjarre të qëllimshme apo të rastësishme, janë dukuri e njerëzve të papërgjeshëm, thonë si policia ashtu edhe ekspertë të pyjeve, andaj për sejcilin rast do të ketë hetim të detajuar për të ardhur deri te personi i dyshuar, i cili do të përgjigjet në bazë të ligjeve në fuqi.
Situata e verës 2012, nuk guxon të përsëritet thonë ekspertët./rtk/