Sefer Saramati është shpallur arsimtari më i mirë në Prizren. Çmimi është ndarë për nder të 7 Marsit-Ditës së Mësuesit.
Drejtoria Komunale e Arsimit në Prizren, për shënimin e kësaj dite ka organizuar një program kulturo- artistik.Po ashtu janë dhënë shumë shpërblime për mësimdhënësit më të mirë, nxënësit më të mirë, veteranët e arsimit të pensionuar në mes 7 marsit 2013 dhe 7 marsit 2014.
Me këtë rast edhe GIZ-i gjerman ka ndarë shpërblime për shkollat më të suksesshme në vlerë prej 12500 €.
Manifestimi i 7 Marsit është mbajtur me fillim në ora 12:00 në Shtëpinë e Kulturës “Xhemajli Berisha”.
Për nder të 7 Mrasit , sot po ashtu është bërë përurimi i SHFMU “Shtejfën Gjeçovi” në Bregdri.
Objekti ka 5 dhoma mësimi, një dhomë për kabinet, salla e mësimdhënësve dhe tre zyra administrative, ngrohjen qendrore dhe ka kushtuar 233.834 € investim nga Komuna e Prizrenit, përkatësisht DKA”./PrizrenPress.com/