Zgjedhjet e ardhshme parlamentare, që pritet të mbahen në fillim të muajit qershor, nuk do të mbahen me ligjin e ri edhe pse Ligji për Zgjedhjet mund të miratohet brenda një jave në Kuvendin e Kosovës.
Këtë e kanë konfirmuar anëtarët e Komisionit për Legjislacion, duke demantuar liderët partiakë se në zgjedhje mund të shkohet me reformë të re,shkruan Zëri.
Megjithëse, sipas tyre, në zgjedhjet e reja mund të merren disa dispozita të reja, të cilat do të ndikonin në mbarëvajtjen e procesit zgjedhor, por jo edhe me ligjin e ri zgjedhor, sepse miratimi i kësaj reforme është stërzgjatur për qëllime politike.