Zëdhënësi i Komunës së Prizrenit, Ymer Berisha, ka thënë se ende nuk e kanë marrë vendimin e Ministrisë së Pushtetit Lokal.
“Komuna e Prizrenit zyrtarisht ende nuk e ka pranuar interpretimin e MAPL’së lidhur me pezullimin e punës së Kryetarit të Komunës sonë, por sigurisht se ne do respektojmë rekomandimet që dalin nga interpretimi dhe do respektojmë të gjitha kërkesat ligjore në këtë rast”, ka thënë Berisha për Express.
Ndryshe, Ministria e Pushtetit Lokal ka thënë se Muja nuk ka të drejtë ligjore ta pezullojë postin e Kryetarit. Njëkohësisht i ka sugjeruar atij që të dalë në punë, ndryshe, nëse nuk paraqitet gjatë një muaji, atij i merret mandati.
Tash Ramadan Muja duhet të marrë një vendim; ose të jap dorëheqje ose të kthehet në pikën zero, pra të vazhdojë të dalë në punë, ndërkohë që protestat kundër tij vazhdojnë.