E mirë boll e nuk më je dukur
kaqe kohë e sa e drojtur
a vjetët e mia që s’hyjnë në thes
a shpirti çelur që nuk e fsheh
e mirë e bukur më se e bukur
deri sot sa shumë më ke endur
flaka shtrihet kateve të shpirtit
e nuk shuhet deri në fund të vitit
e mirë e bukur si mëngjesi sot
përvidhesh kujtimeve të mia
më e bukur se e bukur më je
s’e di ku më merr e ku më shpie
e mirë e bukur më se e bukur
herë më je erë herë më je flutur
s’mundem më s’mundem me të lutur
ndërro udhë moj e hajde ngutu.
Skender Berisha