Mjaft jam përpjekur
nga dhimbjet jam përndjekur
dorë s’kam hequr nga ata sy
shumë jam përmallur
pak jam çmallur
atë kohë sa isha s’bashku me ty.
Kam frikë nga ajo plagë
që kujtimeve s’iu shmang
vazhdimisht ka mbetur e qelbur
e kur shfaqet kujtimi
zgjohet trishtimi
nga ëndrra që mbeti e shembur.
Të shoh të hareshme
ndryshe nga dita e djeshme
unë mbetem ai që ka për të vuajtur
një dënim me vdekje
më shumë se vdekje
një qiri që qanë e digjet i përvajtur.