Catherine Zeta-Jones tha se për të e gjithë bota u përmbys dhe se nuk dinte se si të vepronte, duke pësuar një bllokim total, në momentin që mori vesh se bashkëshorti i saj, Michale Douglas u diagnostikua me kancer.
Michael Douglas mësoi për sëmundjen e tij në vitin 2010.
Aktorja 44 vjeçare ka folur në një konferencë me një audiencë prej 3000 doktorësh.
“Unë isha një lëmsh i vërtetë. Dua të jem e sinqertë me ju, isha vërtetë shumë konfuze dhe nuk dija ç’të bëja. Të jesh e martuar me një burrë i cili ka këtë lloj bindje për jetën… Ai lufton që gabimet t’i bëjë të drejta. Për herë të parë ai po luftonte për jetën e tij”.
“Unë jam shumë e lumtur që jam në këtë mëngjes me bashkëshortin tim. Dua të them me plotë gojën, jam shumë e lumtur që jam këtu me bashkëshortin tim”.
Michael, 69 vjeç, i cili ka një vajzë Carys 11 vjeç dhe një djalë Dylan 13 vjeç, i diagnostikuar me kancer tha: “Me plotë kuptimin e fjalës, jam me fat që ndodhem këtu sot.”
Duke falenderuar skuadrën mjekësore të Memorial Sloan Kettering Cancer Center in New York, ai shtoi: “Ne nuk mund ta imagjinojmë se çfarë do të na sjellë e ardhmja. Faleminderit që më shpëtuat jetën”.