Organizata Joqeveritare “Ec Ma Ndryshe” ka hapur sot ekspozitën “Na ishte dikur…”.
Ekspozita shfaq fotografitë e vjetra të Prizrenit krahas atyre të realizuara rishtazi nga pozicioni i njëjtë.
Drejtori Ekzekutiv i “Ec Ma Ndryshe”, Hajrullah Ceku tha se kjo ekspozitë është një përpjekja e rredhës e “EC Ma Ndryshe” për të luftuar humbjen e kujtesës kolektive dhe për të apeluar për veprim institucional.
“Ndryshimi është drastik dhe tregon se vetëm disa dekada kanë mjaftuar që struktura urbane e qytetit të transformohet në nivel të frikshëm”.
“Shkatërrimin e nisur para disa dekadash nga regjimi i kaluar, me sukses po e vazhdon regjimi actual”.
“Ekspozita “Na ishte dikur…” është shprehje e revoltës qytetare ndaj shndërrimit të Prizrenit në diçka që askush nuk po e njeh më”, tha Ceku.
Kjo ekspozitë është organizuar në kuadër të projektit “Qyteti gjithëpërfshirës…” që përkrahet nga Olof Palme International Center./PrizrenPress.com/
