Misioni i OKB-së ka bërë të ditur se një helikopter është rrëzuar në afërsi të qytetit Bentiu.
Në helikopterin Mi-18 të Organiztaës së Kombeve të Bashkuara gjendeshin disa persona. Deri më tani bëhet e ditur se 3 kanë mbetur të vdekur, ndërsa njëri ka arritur të mbijetojë.
Dyshohet se helikopteri është goditur nga persona të armatosur. Për shkak të luftimeve mes rebelëve dhe ushtrisë në Sudanin e Jugut, kanë mbetur të vrarë mijëra njerëz.
OKB luan rol jetik në dhënien e ushqimit dhe strehimit 1.8 milionë njerëzve që kanë ikur nga shtëpitë e tyre që pas shpërthimit të luftës dhjetorin e kaluar.