Harta e shumëpërfolur e cila u shpalos në Samitin e Berlinit nga Kryeministri i Serbisë, Aleksandart Vuçiq në prani të Kancelarës së Gjermanisë, Angela Merkel dhe Kryeministrit të Kosovës, Hashim Thaçi, kishte për qëllim të tregonte për projekte infrastrukturore në rajon.
Ndoshta i pakënaqur me kryesimin e grupit të liderëve nga Ballkani Perëndimor, nga ana e Kryeministrit të Shqipërisë, Edi Rama, homologu i tij serb dëshironte që të tërhiqte vëmendjen e kancelares Merkel, duke shpalosur harta.
Me këtë, duket se Vuçiq dëshironte të tregohej se Serbia është vendi që duhet të “kullet” për çështjet e rëndësishme të rajonit.
Sipas mediave serbe, kryeministri serb kishte prezantuar disa harta, ku mundohej t’i paraqiste projekte të infrastrukturës rrugore e hekurudhore, që lidhin Serbinë me vendet tjera, edhe pse për këtë detyrë ishte ngarkuar kryeministri Rama.
Ndër to ishte edhe autostrada Prishtinë-Nish, projekt ky që ishte diskutuar edhe në bisedimet në Bruksel.
Vuçiq gjithashtu kishte paraqitur edhe projektin për rikonstruktimin e hekurudhës Beograd-Sarajevë, si dhe rikonstruktimin e rrugës dhe hekurudhës të korridorit Serbi-Mal të Zi-Shqipëri.
Mirëpo, në një foto të publikuar nga e përditshmja serbe Blic, shihej harta e Serbisë me Kosovën brenda saj, transmeton lajmi.net. Nuk dihet nëse Vuçiq të njëjtën hartë e ka paraqitur edhe në Berlin. Në bazë të një fotografie që është publikuar ditë më parë, shihet se Vuçiq në prani të kryeministrit Thaçit, Rama dhe kancelares Merkel, kishte shpalosur një hartë ku shihej vetëm Kosova. (lajmi.net/.