Ministri i Jashtëm rus Sergei Lavrov në një intervistë për gazetën boshnjake, “Dnevni Avaz”, thotë se inkuadrimi I Malit të Zi, Bosnjës dhe Maqedonisë në NATO është provokim.
“Në lidhje me zgjerimin e NATO-s me këto tri vende, e shoh si gabim dhe madje, në njëfarë mënyre, edhe si provokim. Kjo është, në njëfarë mënyre, një politikë e papërgjegjshme, e cila godet përcaktimin për të ndërtuar një sistem të barabartë dhe të sigurisë së përbashkët në Evropë, të barabartë për të gjithë, pavarësisht nëse ndonjë vend është anëtar i këtij apo i atij blloku”, tha Lavrov.