Klubi i Shkrimtarëve i Kosovës organizon promovimin e dramave të Arta Arifi. Sipas njoftimit për medie, promovimi do të bëhet në foajenë e Teatrit Kombëtar të Kosovës.
Shtatë drama, të shkruara përgjatë shtatë vjetëve, 2007-2014, vijnë të botuara në dy vëllime dhe nga dy shtëpi të ndryshme botuese.
Për dramat, përpos autores, do të flasin edhe profesori dhe regjisori i teatrit, Fadil Hysaj, dhe shkrimtari e studiuesi, Adil Olluri.
Titujt e dramave që do të promovohen: “Dardha pas bunari”, “Kohë pa ngjarje”, “Gruaja në dritare”, “Aritmi”, “Perlat e Marisë”, “Në kërkim të Zalas” dhe “Pianistit dhe kukulla blu”.