Sir Paul McCartney i ka atribuuar shumë merita legjendës së soul’it dhe rock’ut, Joe Cocker, i cili të hënën vdiq në moshën 70-vjeçare, pasi humbi betejën me kancerin në mushkëri.
Ish pjesëtari i The Beatles thotë ta ketë adhuruar Cocker dhe se i ka bërë lutjet e fundit për këngëtarin që “i ka dhënë aq shumë Botës”.
“Ishte tepër e trishtueshme kur dëgjova se Joe ka vdekur. Ai ishte shumë i dashur dhe unë e adhuroja. Dhe, si shumë të tjerë, e doja të kënduarit e tij”.
McCartney ka rikujtuar këngët e Cocker.
“Isha veçanërisht i kënaqur kur vendosi që ta përpunonte këngën tonë “With A Little Help From My Friends”. Më kujtohet kur ai dhe procucenti Denny Cordell erdhën në studio, në Row Savile, dhe ma lëshuan këngën që e kishin incizuar. Ishte, thjesht, magjike. Atë këngë e ktheu totalisht në himn shpirti. I jam përjetë mirënjohës që e bëri”.
“E kam njohur për shumë vite dhe e kisha mik fort të mirë. Sa u mërzita kur mësova për sëmundjen e tij. U trishtova kur dëgjova për vdekjen e tij”.
“Ishte një djalë i shkëlqyeshëm dhe shumë i dashur, i cili i dha aq shumë kësaj Bote. Të gjithëve do të na mungojë”. / Politiko.net