Një aksident trafiku ka ndodhur në rrugën Rahovec-Suharekë.
Në aksident janë përfshirë dy automjete dhe kanë mbetur të lënduar tre persona, njofton Klan Kosova.
Rastin për klankosova.tv e ka konfirmuar zëdhënësi i policisë për Rajonin e Prizrenit, Vesel Gashi.
“Në ora 17:50 ka ndodhur një aksident trafiku në rrugën Rahovec-Suharekë në mes dy automjeteve me targa vendore. Aksidenti ka ndodhur si pasojë e mosrespektimit të rregullave të trafikut dhe tejkalimit në vend jo të sigurt”.
“Tre persona kanë mbetur të lënduar momentalisht me ambulancë janë duke u dërguar për trajtim në spitalin Rajonal të Prizrenit”, deklaroi Gashi.
Me rastin është duke u marrë njësiti i trafikut.