Një aksident rrugor ka ndodhur në aksin Lezhë-Shkodër, gjatë pasdites ndërsa mësohet se ka mbetur i vdekur një fëmijë 11-muajsh.
Aksidenti i rëndë ka ndodhur pranë fshatit Mabë, rreth orës 18:35, kur një automjet ka dalë nga rruga. Fëmija ka humbur menjëherë jetën si pasojë e aksidentit, ndërsa ka mbetur e plagosur e ëma e tij, Blerina Ndoca, 23 vjeç nga Puka, e cila drejtonte automjetin tip “Fiat” me targa AA 418 IS.
Ende nuk dihen shkaqet e aksidentit, ndërkohë policia e cila ka mbërritur në vendngjarje po heton për zbardhjen e plotë të rrethanave.