Një aksion i madh policor është zhvilluar mbrëmjen e djeshme në Tetovë dhe Gostivar, ku janë arrestuar disa persona.
Sipas informacioneve të para të siguruara nga portali Shqipmedia, policia mbrëmë ka hyrë në lokalet e natës Energy Club dhe Oriental As dhe Bili Cegran në qytetin e Tetovës dhe Gostivarit.
Me këtë rast bëhet e ditur se janë arrestuar disa shtetase të huaja të cilat punonin në këto lokale.
Nga MPB e konfirmojnë informacionin, por nuk japin më shumë detaje, duke thënë se informata më të plota do të jepen gjatë ditës.