Damien Abad, ministri i sapo emëruar në Qeverinë franceze, po largohet nga kabineti.Kjo pasi, ai u përball me akuza për përdhunim ose tentativë përdhunimi nga disa gra në javët e fundit, të cilat i ka mohuar.
Të hënën, Televizioni francez “BFMTV” raportoi se një grua tjetër dëshmoi kundër Abad.
Qeveria e re do të mblidhet sot, në orën 16:00, në mbledhjen e parë të kabinetit.
Shumica e ministrave nga qeveria e Macron-it pas rizgjedhjes po i mbajnë vendet e tyre të punës.
Clément Beaune, ministri i Francës për Çështjet Evropiane, do të marrë portofolin e Transportit.
Ai zëvendësohet nga krye-ekonomisti i OECD-së, Laurence Boone.
Presidenti francez Emmanuel Macron pritet të emërojë ish-ministrin e tij të Shëndetësisë, Olivier Véran, si zëdhënës të Qeverisë, i ngarkuar për “rinovimin demokratik”.
Véran e drejtoi Francën përmes pandemisë COVID-19 gjatë mandatit të tij si ministër i Shëndetësisë.
Olivia Grégoire, e cila mbajti postin e zëdhënëses, do të trashëgojë portofolin e tregtisë dhe SME-ve.
Chrysoula Zacharopoulou – ish-deputete dhe gjinekologe, e cila gjithashtu u përball me akuza për përdhunim nga pacientët, po qëndron në qeveri si ministre e re e Zhvillimit Ndërkombëtar.