Deputetja e Lëvizjes Vetëvendosje, Albulena Haxhiu, paralajmëron protesta gjithëpopullore për rrëzimin e Qeverisë.
“Sot bëhen dy muaj prej kur Isa Mustafa nënshkruajti marrëveshjen për “Zajednicën”!
Përgjatë gjithë këtyre dy muajve i njëjti injoroi kërkesat e opozitës, shpërfilli ato. Dhe jo vetëm kaq! Isa Mustafa poashtu injoroi 200 mijë qytetarë që nënshkruan peticionin (madje tha që ata janë të padijshëm) e poashtu u deklarua se nuk do të ketë referendum për këto marrëveshje të dëmshme!
Si duhet të veprojmë me kryeministër të tillë?!
Natyrisht që duhet hequr me protesta e demonstrata gjithëpopullore!
Së shpejti….”, ka shkruar Haxhiu në profilin e saj në Facebook.