Kandidati i LDK-së për deputet, Anton Quni, ka qenë i pranishëm në takimin që kandidatja e kësaj partie për kryeministre Vjosa Osmani e ka mbajtur me qytetarët e fshatit Gjonaj në Prizren.
Quni në Magazina Zgjedhore të Klan Kosovës ka treguar se a pret një ndryshim të rezultatit në këto zgjedhje – marrë parasysh që LDK-ja në zgjedhjet e vitit 2017 doli e treta.
“Ne të gjithë ishim dëshmitarë të ndryshimit të gjendjes. Vet fakti se sot kanë ardhë shumë qytetarë, burra, gra dhe të rinj në fshatin Gjonaj, jo vetëm të LDK-së, por edhe të partive të tjera është treguesi më i mirë se shpresa për një mirëqenie dhe perspektivë më të mirë është programi politik i LDK-së”.
Ai e ka shpalosur edhe agjendën që kandidatja e LDK-së për kryeministre e ka për ditën e sotme.
“Tani, pas disa minutash, do të jemi në regjionin e fshatit Korishë, derisa në ora 19:00 do të jemi te Shatërvani në Prizren ku do të kemi një tubim me të rinjtë e regjionit”.