Avni Arifi, këshilltar i liderit të AAK-së, Ramush Haradinaj, ka shkruar në Facebook se votimin e LDK-së për Kadri Veselin e sheh si kërkim falje për SHIK-un dhe pranim të kërkim faljes nga kjo e dyta.
Ai ka shtuar se i takon popullit të Kosovës të kërkon përgjigje në pyetjen “Pse LDK-ja i ka mashtruar këto 15 vite?”
“Çka po ndodhë sot në Kosovë? Qe 15 vite ‘de fakto’ Kosova është udhëhequr nga PDK. Në këtë rrugëtim kjo parti është shndërruar në parti shtet e cila kontrollon pothuajse çdo sektor të Kosovës: gjykatat, policinë, pjesën më të madhe të shoqërisë civile dhe mediave, organizatat e veteranëve të luftës, prokurimin publik bile bile edhe konkurset në shkolla të mesme. Partia më e madhe opozitare LDK e cila për shkak të trashëgimisë Rugoviane dhe rolit udhëheqës në vitet ’90 është parë si alternativë shprese për demokraci ka vendosë që sot të i bashkohet PDK. Sot LDK voton shefin e SHIK-ut për kryetar kuvendi e për të cilin në 15 vitet e fundit kanë thurur aq shumë tregime të tmerrshme dhe i kanë dhënë epitete nga më të ndryshmet. Këtë votim e shoh si kërkim falje për SHIK dhe pranim të kërkim faljes nga kjo e dyta. I takon popullit të Kosovës të kërkon përgjigje në pyetjen : Pse na keni mashtruar në këto 15 vite?”, ka shkruar Arifi në Facebook. /Telegrafi/