I përballur më humbjen e thellë në Kuvendin e Kosovës, (mori vetëm 44 vota), Arsim Bajrami, ka kundërshtuar ashpër propozimin për rikandidim për kryetar të Kuvendit të Kosovës.
Lideri i PDK-së, Hashim Thaçi, nuk ka kaluar mirë në mbledhjen e djeshme të Kryesisë së partisë.
Në këtë mbledhje, përveç fytyrave të zymta të pothuajse tek të gjithë të pranishmit, shumica edhe deputetë të kësaj partie në Kuvendin e Kosovës, një ndër më të shqetësuarit ka qenë Arsim Bajrami.
I përballur më humbjen e thellë në Kuvendin e Kosovës, (mori vetëm 44 vota) Arsim Bajram, i ka kundërshtuar ashpër propozimin për rikandidim për kryetar të Kuvendit të Kosovës.
“Po, Arsim Bajrami përveç se ka kundërshtuar rikandidimin e tij ka shprehur edhe nervozën e tij për strategjinë jo të mirë të partisë për të zgjedhur kryetarin e Kuvendit”, ka thënë një burim brenda PDK-së, raporton Botapress.
Shenjat e humbjes, PDK i ka shfaqur menjëherë pas përfundimit të kësaj mbledhje nga vetë njeriu i dytë i partisë, Hajredin Kuçi.
Ky i fundit, përveç se ka përmendur për herë të parë fjalën kompromis, ka pranuar faktin se kjo parti nuk ka fuqi politike për të zgjedhur kryetarin e Kuvendit.