Shkolla moderne ende ka barriera për të regjistruar nxënësit
Edhe pse shkolla e mesme teknike në Prizren ka profile të shumta e që janë atraktive për tregun e punës, kjo shkollë vazhdon të jetë jo shumë e pëlqyer për të rinjtë e Prizrenit. Shkolla e Mesme Teknike “11 Marsi” ofron aftësim profesional për lëmi të ndryshme për të rinjtë prizrenas, që duan të aftësohen për tregun e punës.
Drejtori Xhelal Susuri potencon se kjo shkollë e mesme tanimë gjendet nën menaxhimin e Agjencionit për Arsim dhe Aftësim Profesional të Kosovës dhe nuk është nën kompetenca të Drejtorisë së Arsimit në Prizren.
“Ajo që na dallon si shkollë është fakti se kemi 15 profile të ndryshme që janë kryesisht kuadro të kërkuara nga tregu i punës dhe tregu i përgjithshëm në Bashkimin Evropian”, na thotë Susuri.
Sipas tij, gjatë takimeve të shumta që ka pasur me përfaqësues të BE-së dhe ekspertë të tregut të punës, ka parë interesimin e tyre për punëtorë të kualifikuar si; agjustator, instalues për ngrohje, pastaj instalues të ujësjellësit e kështu me radhë. Susuri fajëson edhe prindërit të cilit nuk i orientojnë si duhet fëmijët e tyre./Kosova Sot/