34.8 C
Prizren
E enjte, 18 Gusht, 2022

ATK: Do t’i monitorojmë sallat e dasmave e këngëtarët për mospagesat e tatimeve

Shërbimet e gastronomisë dhe hotelerisë e këngëtarët do të jenë nën monitorim specifik nga ana e Administratës Tatimore të Kosovës (ATK).

Kështu ka njoftuar ATK-ja, duke thënë se bazuar në të dhënat e përmbushjes gjatë vitit 2021, kjo industri renditet si njëra ndër industritë me nivelin më të lartë të mos-përmbushjes së detyrimeve tatimore.Sipas ATK-së kjo i ka shtyrë ata që të t’i kushtojnë monitorim specifik këtyre veprimtarive.Sipas ATK-së, problemet më specifike me këto veprimtari është që nuk i deklarojnë të hyrat që i fitojnë e as nuk i deklarojnë punëtorët.

Poashtu, ATK thotë se këto veprimtari pranojnë pagesa cash e nuk mbajnë evidenca për mbrëmjet muzikore e pagesat për shërbime.“Administrata Tatimore e Kosovës, kërkon nga secili tatimpagues nga çfarëdo aktiviteti ekonomik që zhvillon që t’i kryej përgjegjësitë e kërkuar tatimore që kalkulohen sipas legjislacionit tatimor, me qëllimin e vetëm që mos të jenë pre e ndëshkimeve tatimore’, thuhet në njoftimin e ATK-së.

Administrata Tatimor e Kosovës edhe më herët ka pasur aksione në salla të dasmave e në diskoteka, ku kishte kërkuar dëshmi për pagesë tatimesh nga sallat e dasmave, këngëtarët e kameramanët.

Më Shumë

Prizren, 2 vite burgim dhe 2 mijë euro gjobë pasi pranoi se kontrabandoi 30 shtetas sirianë

 Kushtrim Elezkurtaj është dënuar me 2 vite burgim efektiv dhe 2 mijë euro gjobë, pasi e ka pranuar fajësinë se ka kontrabanduar 34 migrantë...

Deponohen para të falsifikuara në një bankë në Prizren

Policia e Kosovës ka bërë të ditur se përfaqësuesi i një banke private në Prizren, ka njoftuar policinë se nga 15 maj deri më...

Lajmet e Fundit