13.8 C
Prizren
E premte, 9 Qershor, 2023

Autostrada ‘Ibrahim Rugova’ mbulohet nga dheu

Derisa në zona brenda qytetit hapësirat e gjelbra betonohen në autostradën “Ibrahim Rugova” rruga e asfaltuar po shndërrohet në hapësirë të gjelbër. Kjo natyrisht si pasojë e mos kujdesit dhe mirëmbajtjes nga institucionet shtetërore të cilat shpenzojnë miliona euro për ndërtimin e këtyre rrugëve dhe vetëm pas përfundimit të tyre ato lihen në harresë.

Edhe më parë është raportuar për shembjet në autostradë dhe vështirësitë që po i shkaktojnë ato, por që deri më sot nuk janë ndërmarrë veprime për sanimin e gjendjes.

Kësaj radhe shembjet kanë ndodhur në pjesën e autostradës në Obiliq dhe shembjet kanë mbuluar rrugën në disa vende, gjë që përbënë rrezik për ngasësit e automjeteve, transmeton “Infokusi”.

Në pjesën më të madhe shembjet kanë mbuluar komplet njërën korsi qe shkon në drejtim të pjesës ku lidhet autostrada me atë në ndërtim e sipër që të qon në Mitrovicë.

Po ashtu edhe në krahun tjetër të rrugës komplet njëri shirit i rrugës është jashtë funksionit për shkak të shembjeve.

Nga fotografitë mund të vërehet se këto shembje nuk kanë ndodhur sot, por ka kohë dhe për këtë dëshmi është bari i mbirë në dheun e rrëshqitur.

Më Shumë

Shenja për krizë ekonomike në Turqi, Erdogan merr vendimin e rëndësishëm

Me Turqinë që po përballet me një krizë financiare të afërt, presidenti i sapozgjedhur Rexhep Tajip Erdogan i dha politikanit dhe ekonomistit Mehmet Simsek...

Quni thotë se raporti i Kurtit me SHBA-të mund të jetë edhe personal

Deputeti i Lidhjes Demokratike të Kosovës (LDK), Anton Quni, ka thënë se qasja e kryeministrit Albin Kurtit ndaj SHBA-ve mund të jetë edhe personale. Ai...

Lajmet e Fundit