14.8 C
Prizren
E mërkurë, 28 Shkurt, 2024

Banorët e Drajçiçit kërkojnë ndërtimin e shkollës

shkolla DrajçiçBanorët e fshatit Drajçiç të Prizrenit, kërkojnë ndërtimin e shkollës së re, pasi objekti i vjetër ka dalë nga funksioni që nga viti 2004. Komuna e Prizrenit, i ka ndarë mjetet për ndërtimin e shkollës, dhe kur gjithçka ka qenë gati për të filluar ndërtimin, pengesë për të është bërë një banorë i komunitetit serb, i cili thotë se ky objekt është nën mbrojtjen e Institutit për Monumente. Por këtë e hedh poshtë Drejtori i Arsimit, Nexhat Çoçaj.

Lajmet e Beogradit për rrënimin e shkollës në fshatin Drajçiç të Prizrenit, kanë nxjerrë në protestë gjatë gjithë banorët e këtij fshati, duke deklaruar se, nëse shkolla e re nuk do të ndërtohet këtu ku ka qenë edhe ajo e vjetra, ata vetë me kazma e lopata do ta shembin objektin.

Pengesë për ndërtimin e shkollës së re është bërë Tomisllav Tomiç, i cili ka alarmuar mediat në Beograd, se ky objekt shkollorë është nën mbrojtjen e Institutit për Mbrojtjen e Monumenteve. Drejtori i Drejtorisë së Arsimit, Nexhat Çoçaj thotë se, qëkur është marrë vendimi nga qeveria lokale e deri më tani nuk ekziston një dokument i tillë, për këtë objekt dhe parcela ku është ndërtuar shkolla, figuron të jetë pronë e komunës së Prizrenit.

Çoçaj thotë se Tomisllav Tomiç, i ka ofruar drejtorisë parcelën personale prej 10-të ari për ndërtimin e shkollës. Drejtoria e Arsimit, pret që Instituti për mbrojtjen e monumenteve të dëshmojë se objekti nuk është nën mbrojtje, e më pas të nisë me projektin për ndërtimin e shkollës së re. Përndryshe, fëmijët e shkollës fillore të fshatit Drajçiç udhëtojnë disa kilometra në ditë për vijimin e mësimit në fshatin Mushnikovë.

Më Shumë

Liria pret Fushë-Kosovën në duelin e skuadrave të fundit në tabelë, formacionet zyrtare

Liria do të përballet me Fushë -Kosovën në kuadër të xhiros së 22-të në Albi Mall Superligë. Është një përballje mes dy skuadrave të fundit...

Sot varroset ish-kryetari i Rahovecit, Qazim Qeska

Komuna e Rahovecit ka njoftuar se sot do të varroset ish-kryetari Qazim Qeska. Në faqen zyrtare në Facebook, komuna ka bërë të ditur se në...

Mish dhe ndryshk

Lajmet e Fundit