Trajneri i Barcelonës, Xavi Hernandez, mund të fillojë shpenzimet e tij në Camp Nou duke nënshkruar me lojtarin e Bayern Munich, Kingsley Coman.
Raportohet se Blaugranët kanë pyetur Bayern-in, për një mundësi transferimi të francezit, dhe ndërsa klubi i Bundesligës është i hapur për të dëgjuar ofertat në lidhje me një transferim, ata kanë përjashtuar mundësinë e një marrëveshjeje huazimi.
Kjo mund të jetë problematike për Barcelonën, e cila është e kufizuar në aspektin se sa mund të ofrojë për shkak të problemeve financiare, por anësori 25-vjeçar dëshiron të largohet nga Bundesliga pavarësisht se Bayern i ofron atij një zgjatje të kontratës, e cila momentalisht i skadon në verën e vitit 2023.
Nëse një marrëveshje nuk mund të arrihet në janar, klubi i La Ligës mund të presë deri në fund të sezonit për të negociuar një çmim të ulët në vitin e fundit të kontratës së tij.
/Albanianpost.com