Futbollisti i Bayern Munich-ut, Robert Lewandowski, me shumë mundësi do të transferohet te Barcelona në të ardhmen e afërt.
33-vjeçari ka kontratë me bavarezët deri në fund të sezonit 2023, i cili nuk dëshiron ta vazhdojë karrierën në Gjermani.
Sulmuesi polak dëshiron t’i bashkohet projektit të Xavi-t me Barcelonën, i cili po lidhet me një transferim në këtë afat kalimtar veror.
Drejtuesit e klubit katalanas i kanë bërë të ditur Pini Zahavit, agjentit të sulmuesit 33-vjeçar, se janë të gatshëm të paguajnë 30 deri në 35 milionë euro për kartonin e polakut.
Gazetari i prestigjiozes spanjolle “Marca”, Gerard Moreno, raporton se Mateu Alemany, drejtori sportiv i klubit spanjoll, i ka ofruar golashënuesit më të mirë të historisë së Bundesliga-s një kontratë dyvjeçare, me opsionin e rinovimit deri në vitin 2025.
Te Barcelona po shtyjnë Zahavin t’i bëjë “presion” Bayern-it që të lejojë shitjen e Lewa-s në këtë afat kalimtar të verës, për t’i dhuruar Xavi-t një sulmues që garanton gola.
Në anën tjetër, drejtuesit e Bayern-it kishin deklaruar më herët se nuk do ta lejojnë polakun të largohet gjatë kësaj vere pa i mbaruar kontrata.
Megjithatë, një shumë prej mbi 30 milionë euro, është e vështirë të refuzohet, duke pasur parasysh që, në fund të sezonit 2023, do ta humbasin me parametra zero.
/Albanianpost.com