21.6 C
Prizren
E enjte, 15 Maj, 2025

Bashkëatdhetari Adem Saramati dhuron një aparat RTG-digjital për Spitalin e Prizrenit

Në Spitalin e Përgjithshëm “Prim. Dr. Daut Mustafa” në Prizren, të martën është bërë pranimi dhe vënia në funksion e aparatit RTG- digjital, donacion nga bashkëatdhetari nga Dobrushti i cili jeton dhe vepron në Slloveni, Adem Saramati.

Pjesë e dorëzimit të këtij donacioni, ishin përveç drejtuesve të spitalit edhe donatori me familjarë e të afërm të tij.

Adem Saramati, tha se vullneti për të ndihmuar me këtë aparat të rëndësishëm është puna në këtë institucion shëndetësor dhe ofrimi I shërbimeve sa më të mira mjekësore për qytetarët, dhe se edhe në të ardhmen ai do mundohet të ndihmojë këtë institucion.

Drejtori i Spitalit, Afrim Avdaj, e vlerësoi të jashtëzakonshëm këtë donacion dhe vullnetin e zotëri Saramatit për këtë mbështetje me këtë aparat, i cili mundëson ofrimin dhe ngritjen e cilësisë të shërbimeve shëndetësore për pacientë.

I pranishëm në këtë ngjarje, ishte edhe kryetari SHBP në Prizren, dhe ish epror i lartë ushtarak i UÇK-së, Ruzhdi Saramati, i cili e vlerësoi punën e këtij institucioni ndërsa, për veprën e të afërmit të tij, tha se na bënë krenar jo vetëm Dobrushtin.

Ndërkaq, përgjegjësi i Njësisë së Radiologjisë, Sadri Beqiri, falënderoi bashkëatdhetarin Saramati për këtë donacion tejet të rëndësishëm i cili është bashkëkohor dhe mjaft efikas, ku mund të kryhen deri në 30 mijë grafi në vit, tha ai.

Vlera e donacionit të aparatit rëntgen digjital kap shumën mbi 50 mijë euro. /Tv Prizreni/

Më Shumë

Komuna e Prizrenit nis prokurimin për rehabilitimin e ujësjellësit dhe kanalizimit, vlera 1.5 milion euro

Komuna e Prizrenit ka iniciuar aktivitetin e prokurimit për rehabilitimin e kanalizimit dhe të ujësjellësit në pjesët kryesore të qytetit. Vlera e parashikuar e mjeteve...

Prizren/ Aktakuzë për fajde dy personave të cilët u kapën në flagrancë

Prokuroria Themelore në Prizren ka ngritur aktakuzë ndaj E.K. dhe B.K. për fajde, pasi ishin zënë në flagrancë në mars sivjet duke marrë 10...

Lajmet e Fundit