Në kuadër të takimeve me subjekte politike, si pasojë e gjendjes së krijuar në asamblenën komunale, Aleanca për Ardhmërinë e Kosovës – dega në Prizren ka vazhduar takimin sot edhe me LDK-në.
Kjo ka krijuar një frymë të re të bashkëpunimit ndërmjet subjekteve politike në asamblenën komunale të komunës së Prizrenit, në të mirë të qytetarëve të saj.
“Qëllimi i këtij takimi ishte ngritja e bashkëpunimit ndërmjet subjekteve politike, si dhe koordinimi për zhbllokimin e Asamblesë Komunale të Prizrenit. Është e nevojshme që kërkesat e asambleistëve të merren parasysh dhe të mos shfrytëzohen vetëm si mekanizëm votues”, njofton AAK.
“Aleanca për Ardhmërinë e Kosovës – dega në Prizren falënderon Lidhjen Demokratike të Kosovës – dega në Prizren për gatishmërinë e bashkëpunimit. Shpresojmë që në bashkëpunim me subjektet politike në asamblenën komunale të Prizrenit, të ndërtojmë një opsion real për qeverisjen, që garanton sundimin e ligjit, zhvillimin ekonomik dhe perspektivën për qytetarët e komunës së Prizrenit”./PrizrenPress.com/