Kryetari i Malishevës,Ragip Begaj, vitin 2014-të e ka vlerësuar të suksesshëm për këtë komunë. Ai premton se në vitin 2015-të, do të eliminohen të gjitha mangësitë eventuale që kanë mundur të evidentohen gjatë këtij viti.
“Është mirë që të bëhet analizë në secilën drejtori, për punën gjatë këtij viti dhe të bëhen parashikimet për vitin e ardhshëm. Duhet të evidentohen të gjitha ngecjet eventuale që kanë mundur të jenë shfaqur gjatë punës suaj, gjë që është normale, dhe të përmirësohen të gjitha këto ngecje, në mënyrë që të mos shfaqen gjatë viti të ardhshëm”, tha Begaj.
“E di që ndoshta shpesh herë kam qenë kritik në punën tuaj, por këtë e kam bërë me qëllim, që të dalim sa më të suksesshëm në punën tonë të përbashkët dhe besoj ja kemi arritur, që të përmbyllim një vit shumë të suksesshëm, por viti i ardhshëm duhet të jetë edhe më i suksesshëm”.
Sipas tij,buxheti komunal gjatë këtij viti është shpenzuar mbi 98 për qind.
“Projektet e ndërtimit kanë përfunduar për këtë vit, e tani jemi në fazën e pranimeve teknike të projekteve”./PrizrenPress.com/