Zafir Berisha nga Nisma për Kosovën ka thënë se duhet që të diskutohet në Parlamentin e Kosovës për vdekjen e dyshimtë të aktivistit të Vetëvendosjes Astrit Deharin në Qendrën e Paraburgimit në Prizren.
“Ne deputetët e Nismës sigurisht se jemi të interesuar që çështja e studentit që humbi jetën në burgun e Prizrenit të bëhet publike e transparente me idenë që qytetarët e këtij vendi të ndjehen komod kudo që janë e veçanërisht në duart e institucioneve”, ka pohuar Berisha.
“Përgjegjësit e institucioneve të sigurisë, të burgjeve, Ministria e Drejtësisë e kështu me radhë është mirë të përgjigjet para opinionit”.
“Të çelet kutia e Papnores për ta kuptuar të vërtetën e madhe për Astrit Deharin”.