-4.2 C
Prizren
E mërkurë, 8 Shkurt, 2023

Biden porositi dy hamburgera në një restorant, punëtoria që pranoi thirrjen mbeti pa fjalë

Punëtoria e restorantit të mirënjohur Goustburger në Uashington, D.C., Brittany Spade, nuk duhej të ishte në punë gjatë ditës së marte.

Por, pronari i Ghostburger, Josh Phillips i kërkoi Spadyt të vinte në punë në mënyrë që ajo të ndihmonte kolegët e saj të përballonin bujën që do të lindte për shkak të ardhjes së një të ftuari të famshëm.

Bashkëpronari i Ghostburger i tha Washington Post të mërkurën se gjithçka ishte planifikuar në mënyrë që Spady të merrte urdhrin nga presidenti amerikan Joe Biden.

Përkatësisht, Shtëpia e Bardhë u pajtua për këtë sipërmarrje me Phillips dhe gruan e tij, Kellyn.

 

As ai dhe as gruaja e tij nuk i thanë Spady se kush do ta telefononte në restorant. Ata thjesht i thanë asaj se telefonata që do të merrte ishte e rëndësishme. Spady tha se mendonte se do të merrte një telefonatë nga kryebashkiaku i Uashingtonit, Muriel E. Bowser ose dikush nga sfera e kulturës pop. Ajo nuk e priste që presidenti amerikan të ishte në anën tjetër të linjës telefonike.

Reklama

“U nervozova kur iu përgjigja telefonit. Përndryshe, unë nuk jam e tillë. Sapo dëgjova zërin e tij, mendova: ‘E pamundur! E pamundur! E pamundur!”, tha Spady.

Punonjësja e Goustburger tha se e dinte menjëherë se kush po e thërriste. Biden porositi një “goustburger” me proshutë dhe djathë amerikan, por pa salcë dhe një “goustburger” të rregullt me djathë, por pa salcë.

Duke gjykuar nga fotografia e postuar nga Shtëpia e Bardhë në Twitter, Biden mori një burger proshutë dhe zëvendëspresidentja Kamala Harris mori një cheeseburger.

Ndryshe, Biden pretendoi në video se Goustburger është një nga 10.5 milionë bizneset e vogla që janë nisur falë politikave të tij. /Telegrafi/

Më Shumë

Mbi 200 persona dhurojnë gjak në Ratkoc të Rahovecit

Për të 15-in vit më radhë, banorët e fshatit Ratkoc të Rahovecit, u janë drejtuar Ambulancës së fshatit për të dhuruar gjak me moton...

Malishevë: Gjendet i vdekur një person

Një person është gjetur i vdekur në fshatin Kervasari të Malishevës. Sipas policisë, ekipi mjekësor e ka konstatuar vdekjen e tij, teksa bëhet e ditur...

Lajmet e Fundit