Ish-kampioni i botës në peshën e lehtë, Alexander Gvozdyk, ka mbërritur në kampin stërvitor të një prej boksierëve më të mirë në botë, kampionit absolut në peshën super të mesme, Saul Alvarez.
Raportohet se ukrainasi do të bëhet një nga partnerët e sparring-ut (simulimeve të ndeshjes) të meksikanit.
Alvarez po përgatitet për një ndeshje të planifikuar për datën 7 maj kundër kampionit WBA në peshën e lehtë, rusit Dmitry Bivol.
Kujtojmë që boksieri ukrainas është fituesi i bronzit në Olimpiadën e vitit 2012.
Në ringun profesionist, ai regjistron 18 ndeshje, 17 fitore (14 prej të cilave me nokaut).
Gvozdyk e zhvilloi ndeshjen e tij të fundit më 19 tetor të vitit 2019.
Beteja kundër Artur Beterbiev-it u ndërpre në raundin e dhjetë kur rusi rrëzoi tre herë ukrainasin.
Në verën e vitit 2020, Gvozdyk njoftoi tërheqjen e tij nga ky sport.
Më herët, boksieri meksikan Alvarez mposhti boksierin amerikan Plant duke u shpallur kampioni absolut i botës.
/Albanianpost.com