Frontmeni i grupit legjendar U2, Bono ka ofruar mbështetje për refugjatët që ikin nga shtëpitë e tyre duke ndryshuar korin e një kënge të grupit U2 në mes të koncertit për të ndihmuar ngritjen e vetëdijes për gjendjen e tyre.
Grupi nisi turneun e tyre këtë javë, dhe frontmeni dhe aktivisti i U2 tha se ai nuk ka përgjigje për krizën e refugjatëve, por shtoi se të gjithë duhet të punojnë së bashku për të gjetur zgjidhje.
Imazhi i një djali të ri sirian larë në një breg në Turqi më parë këtë javë ngjalli zemërim dhe u shndërrua në thirrje për qeveritë në të gjithë Evropën për të bërë më shumë për të ndihmuar dhjetëra mijëra refugjatë.
Bono iu referua incidentit tronditëse duke ndryshuar tekstin e këngës “Pride” (In the name of Love) në “Një djalë i larë nga valët në një plazh bosh”.
Imazhi i tre-vjeçar Aylan Kurdi i shtrirë me fytyrën poshtë në rërë bëri bujë në mbarë botën, duke u bërë një pikë fokale në thellimn e krizës së refugjatëve.
Në një moment gjatë koncertit në ekran u paraqitën pamje të refugjatëve, Bono është shprehur se ka shumë dhimbje në botë.
“Duke shikuar lajmet e sheh se njerëzit e zakonshëm – të gjithë ne jemi në gjendje të bëjmë gjëra shumë të mira dhe gjëra shumë të këqija” tha ai.
“Unë nuk e di përgjigjen ndaj krizës së refugjatëve në Evropë dhe Afrikë, por unë e di se ne duhet të punojmë së bashku për të gjetur një përgjigje për krizën e refugjatëve në Evropë dhe Afrikë”
Madje Bono i’u referua edhe Nelson Mandelës duke thënë se gjithmonë duket e pamundur derisa diçka të bëhet.
Madje ai pati edhe një pyetje për turmën.
“Çfarë doni: Një Evropë me zemrën dhe kufijtë e saj të mbyllur për mëshirë ose një Evropë me zemrën e saj të hapur???”, ka përfunduar ai. /Klan Kosova/