“Vota ime në kuvend për tribunalin do të jetë kundër, ngase nuk mund të ngrisë dorë kundër UÇK-së”, thotë Flora Brovina në intervistën për “Botapress”.
Është zhgënjyer nga politika, por nuk ka në plan që të largohet edhe për një kohë. Deputetja e PDK-së, Flora Brovina, ka pritur më shumë profesionalizëm, më shumë ecje përpara, më shume këmbëngulje qoftë edhe me të tjerët ku flasim. Ajo nuk i do qeveritë kukulla, por nuk pranon se e tillë është edhe qeveria që e udhëheq lideri i saj partiak. Ajo që më së shumti po e bënë të ndihet keq në këto vitet e jetës së saj në politik është lajmi për themelimin e Tribunalit, për çka edhe hapur ka deklaruar se do të votoj kundër tij. “Vota ime në kuvend për tribunalin do të jetë kundër, ngase nuk mund të ngrisë dorë kundër UÇK-së”, tha ajo.