Universiteti i Prishtinës (UP) jep më shumë mjete për studentët sesa arkëtohen nga taksat e studentëve.
Mbi 1500 studentë kanë aplikuar që të fitojnë të drejtën që të marrin bursa si student të shkëlqyeshëm gjatë studimeve, kurse shuma e mjeteve që në total pritet t’iu derdhen në konto atyre kalon shifrën e mbi 1 milionë eurove.
Këshilli Drejtues (KD) i këtij Universiteti ka vendosur që bursa për student të dalluar nga 900 euro sa ndahej për student viteve të mëparshme, të zbritet këtë vit në 700 euro.
Ndonëse viti i parë është i liruar nga pagesa e studimeve me vendim të qeverisë, sipas Udhëzimit Administrativ për tarifat e studentëve, që ka hyrë në fuqi në fillim të vitit të ri akademik 2014-2015, studentët e tjerë ( viti dytë dhe tretë) do të paguajnë vetëm 25 euro për semestër, pra 50 euro në vit, nga 100 sa paguanin para vendimit të qeverisë…/zeri/