Ministri i Punëve të Jashtme i Kosovës, Hashim Thaçi, është takuar me homologun e tij shqiptar, Ditmir Bushati.
Thaçi ka thënë se bashkëpunimi bilateral mes Kosovës dhe Shqipërisë do të jetë më efektiv në të ardhmen.
Në takimin e përbashkët që do të mbahet më 23 mars Thaçi tha se do të rriten bashkëpunimet politike, shoqërore dhe në fusha tjera mes Kosovës dhe Shqipërisë.
Ndërsa ministri i Punëve të Jashtme i Shqipërisë, Ditmir Bushati ka shprehur mirënjohjen për bashkëpunimin që e ka Shqipëria me Kosovën, si për atë ekonomik ashtu edhe atë për atë politik.
Ai tha se inkurajon qeverinë e re të Kosovës që të vazhdojë ta përmbyll procesin e liberalizimit të vizave.
Ministri Bushati më tej tha se kanë biseduar edhe për bashkëpunim mes dy vendeve në fushën e sigurisë. /Kallxo.com/