“Ekipet favoritë për të fituar Champions League? Spanjollet, Bayern Munich dhe nuk duhet të harrojmë Juventusin”.
Fabio Capello ka shprehur bindjen se ish-skuadra e tij është mes atyre që duhen mundur edhe në nivelin ndërkombëtar.
“Stoli më mungon relativisht, – ka shtuar Capello, – jam i përfshirë në projektet e mia në televizion. Nuk kam më ëndrra për të realizuar në stol: kam marrë shumë oferta, por i kam refuzuar të gjitha. Nuk kam më çfarë të jap as për kombëtaret. Do të pranoja të merrja drejtimin e një klubi nëse do të bëhej fjalë për një projekt stimulues”.
Capello, i cili ka shmangur pyetjet mbi Inter dhe Milan, i ka bërë komplimentet trajnerit të ri të Italisë, Ventura: “Është parë diçka ndryshe nga Conte. E ka nisur me një humbje, por kundër Izraelit ka pasur guximin të vazhdojë të luajë me dy sulmues edhe kur ka qenë në inferioritet numerik. Është një sinjal i bukur”.
Nuk mund të mungonte një koment edhe për Francesco Tottin: “Është i jashtëzakonshëm, kam punuar me të dhe mund të them se ka diçka më shumë në krahasim me të tjerët. E ndriçon Roman prej 23 vitesh, bën gjëra që të tjerët as nuk i imagjinojnë”.
Në fund, Capello ka folur edhe për Mario Balotellin, autori i një dygolshi në debutimin e tij në kampionatin francez me fanellën e Nice.
“Shpresojmë që, pas eksperiencave të fundit zhgënjyese, të tregojë vlerat që ka si futbollist. Nuk mund të mohohet se është një lojtar shumë i mirë. Kam dëgjuar se ka dëshirë të fitojë Topin e Artë: fillimisht duhet të luajë të gjitha ndeshjet dhe të shënojë shumë gola, por pa humbur për asnjë moment përqendrimin”, ka thënë ish-trajneri italian.