Sot mbahet takimi i parë përgatitor për fillimin e negociatave për Marrëveshjen e Stabilizim-Asociimit. Ministrja e Integrimit Evropian, Vlora Çitaku, ka vlerësuar se procesi i MSA-së do të rezultojë me sukses për shtetin e Kosovës.
Sipas saj, institucionet e vendit do t’i përmbushin kriteret e nevojshme, në mënyrë që negociatat për MSA-në të fillojnë në vjeshtë dhe të përfundojnë në pranverën e vitit të ardhshëm.
“Siç edhe e ka konfirmuar komisioneri Fyle, presim që negociatat të fillojnë në vjeshtë dhe të përmbyllen në pranverë të vitit të ardhshëm”, ka thënë Çitaku për “Epokën e re”.