Çmimet e larta të parkingjeve po e rrezikojnë imazhin turistik të Prizrenit

Oda e Ndërmarrësve Zejtare në Prizren ka ngritur shqetësime serioze lidhur me çmimet e larta të parkingjeve në qytet, duke paralajmëruar se kjo situatë po ndikon negativisht jo vetëm te qytetarët dhe bizneset, por edhe në imazhin e përgjithshëm të qytetit si destinacion turistik.

Kryetari i Odës, Afrim Tejeci, në një deklaratë publike, e quajti këtë praktikë të dëmshme dhe kërkoi rishqyrtimin e saj të menjëhershëm.

“Kjo praktikë duhet të rishqyrtohet sa më parë. Çmimet e larta të parkingjeve po krijojnë pakënaqësi të gjerë dhe mund të kenë pasoja të padëshiruara për turizmin dhe ekonominë vendore”, tha Tejeci.

Ai shtoi se është jetike të ruhet imazhi pozitiv që Prizreni ka ndërtuar ndër vite si qytet mikpritës dhe atraktiv për vizitorë nga e gjithë bota.

“Imazhi pozitiv i fituar i qytetit të Prizrenit dhe rritja e pranisë së vizitorëve duhet të ruhet me kujdes. Nuk duhet të lejohet që ky imazh të dëmtohet nga veprime që cenojnë atraktivitetin e qytetit”.

Ai  kërkon rishikim të politikës aktuale të parkimit, duke theksuar rëndësinë e krijimit të kushteve të favorshme për qytetarët, bizneset dhe turistët.

“Apelojmë që autoritetet përgjegjëse të rishikojnë sa më parë këtë çështje, me qëllim që të krijohen kushte më të mira për të gjithë – qytetarët, bizneset dhe vizitorët që vijnë në Prizren”, tha Tejeci.

Prizreni, si një prej qyteteve më të vizituara në Kosovë, veçanërisht gjatë sezonit veror dhe ngjarjeve kulturore si DokuFest, është duke përjetuar fluks të madh vizitorësh. Por me këtë rritje, janë shtuar edhe sfidat infrastrukturore, ku mungesa e hapësirave të parkimit dhe tarifat e larta janë shndërruar në burim pakënaqësie.

Reagime të ngjashme janë shfaqur edhe në rrjete sociale, ku qytetarë dhe vizitorë kanë shprehur pakënaqësi lidhur me koston e parkimit në zonat më të frekuentuara të qytetit./PrizrenPress.com/

Marketing

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren