Çmimi i ndarë për herë të parë 2 vjet pas ndarjes nga jeta të publicistit, shkrimtarit dhe përkthyesit të njohur Ardian Klosi i është dhënë publicistit Ardian Vehbiu për veprën e tij “Sende që nxirrte deti”.
Në ditën e katërt të Festivalit të Librit dhe Artit paMUR është ndarë çmimi ‘Ardian Klosi’ për veprën më të mirë në fushën e publicistikës për vitin 2013.
Çmimi i ndarë për herë të parë 2 vjet pas ndarjes nga jeta të publicistit, shkrimtarit dhe përkthyesit të njohur Ardian Klosi i është dhënë publicistit Ardian Vehbiu për veprën e tij “Sende që nxirrte deti”.
Çmimi është dorëzuar nga Katerina, vajza e të ndjerit Ardian Klosi dhe është përzgjedhur nga juria me kryetar Pirro Mishën.
Në “Sende që nxirrte deti”, Vehbiu përshkruan, shpjegon e analizon marrëdhënien mistike të shqiptarëve me perëndimin. Dhe këtë gjë e bën ku nëpërmjet detajeve autobiografike, e ku nëpërmjet shqyrtimit aposteriori që i bën vetes e të tjerëve në atë botë.
Autori banon në New York ka ardhur në Tiranë, në prag të Festivalit të Librit, me një produkt të ri të tijin.
Në ceremoninë e ndarjes së çmimit në Muzeun Kombëtar, të pranishëm ishin dhe kryeministri Edi Rama dhe ministrja e Kulturës Mirela Kumbaro. / KultPlus.com