21.8 C
Prizren
E diel, 26 Maj, 2024

Falemnderit Hashim, por në LDK ka njerëz më të bukur dhe mençur se unë!

EqremKryeziu-ldkDeputeti i Parlamentit të Kosovës nga radhët e LDK-së, Eqrem Kryeziu, i është përgjigjur kërkesës dhe lutjes, që kryeministri i Kosovës, Hashim Thaçin, ia ka bërë për të ndikuar në LDK, për votimin e formimit të Forcës së Armatosur të Kosovës.

Ai ka falënderuar Thaçin, për konsideratën që ka treguar për t’i dalë në ndihmë.

“E pashë në portale apostrofimin që Kryeministri ma paska bërë. E falënderoj për konsideratën që ka shprehur për vogëlsinë time”, tha Kryeziu për “PrizrenPress”.

Kryeministri i Kosovës, Hashim Thaçi, i ka kërkuar deputetit, njëherësh anëtar i Kryesisë së LDK-së në Prishtinë, Eqrem Kryeziu, që të ndikojë në partinë e tij, për të votuar formimin e Forcës së Armatosur të Kosovës.

“E kisha lutur edhe Eqrem Kryeziun, të votojë për Ushtrinë e Kosovës dhe të ndikojë edhe në partinë e tij, sepse kjo nuk po bëhet për Hashim Thaçin, por për popullin e Kosovës”, ka thënë Thaçi.

Deputeti i LDK-së, Eqrem Kryeziu, ndërkaq thotë se nuk ka parë asnjë rezervë të LDK-së ndaj Forcave të Armatosura

“Nuk kam parë asnjë rezervë të zyrtarëve të LDK-së, ndaj Forcave të Armatosura”.

“Besoj se kam ndonjë ndikim të caktuar, jo te politikanët, sepse ata të gjithë janë më të bukur, më të mençur, më patriotë e më të fortë se unë. Ndikimi im mund të shtrihet tek njerëzit që më besojnë”. /PrizrenPress.com/

 

Më Shumë

Kërkesat e fundit për paraburgime të Prokurorisë në Prizren: Të arrestuarit dyshohen për vepra të ndryshme penale

Prokuroria Themelore në Prizren ka paraqitur një kërkesë për caktim të paraburgimit kundër një personi, dyshuar për veprat penale "Tentim vrasje", "Mbajtja në pronësi,...

Fondacioni Golden Eagle ndan 5,000 euro për 18 vjeçarin nga Prizreni

Fondacioni Golden Eagle ndan 5,000 Euro për 18 vjeçarin nga Prizreni, Argjend Jonuzaj dhe bën ftesë për të gjithë shqiptarët që t’u dalin në...

Lajmet e Fundit