12.1 C
Prizren
E enjte, 18 Shtator, 2025

Damka për DokuFest: Imazhe që nuk janë të përshtatshme për Prizrenin dhe as Kosovën

Ministri i Zhvillimit Rajonal, Fikrim Damka, ka reaguar në lidhje me DokuFestin e këtij viti, duke thënë se keni qenë dëshmitarë të imazheve që sipas tij, nuk janë të përshtatshme për Prizrenin dhe as Kosovën.

“Prizreni është në qendër të aktiviteteve kulturore në Kosovë. Fatkeqësisht, në ngjarjen DokuFest të organizuar në Prizren, e cila është shtëpi e shumë ngjarjeve kulturore kombëtare dhe ndërkombëtare, kemi qenë dëshmitarë të imazheve që nuk janë të përshtatshme për Prizrenin dhe as Kosovën”, ka shkruar ai në Facebook.

Ai është shprehur se ata që e realizojnë këtë ngjarje, e cila sipas tij është në kundërshtim me vlerat e historisë, kulturës dhe besimit tonë, kanë krijuar rrezik për të dhënë shembull të keq.

“Ata që e realizojnë këtë ngjarje, e cila është në kundërshtim me vlerat e historisë, kulturës dhe besimit tonë, kanë krijuar rrezik për të dhënë shembull të keq sidomos në zhvillimin personal dhe social të të rinjve tanë. Ndonëse e dënojmë ashpër ngjarjen në fjalë, urojmë që autoritetet që kanë kryer ngjarjen dhe institucionet që e mbështesin të mos e përsërisin më një gabim të tillë”.

“Për të parandaluar pasojat e ngjarjeve të ndërlidhura, ftojmë Organizatat tona të Shoqërisë Civile të tregojnë reagimet e tyre ndaj këtyre ngjarjeve; të reagojë ndaj organizmave zyrtare, kombëtare dhe ndërkombëtare që kanë realizuar eventin dhe kanë mbështetur në çfarëdo mënyre realizimin e këtij eventi”, ka shkruar tutje ai.

Më Shumë

Aksident mes 8 veturave në Zhur të Prizrenit

Tre persona kanë mbetur të lënduar nga një aksident mes tetë veturave të ndodhur pasditën e sotme në Zhur të Prizrenit. KLIKO VIDEON:https://www.facebook.com/PrizrenPress/videos/1487564235480956 Këtë e konfirmoi...

Sindikata e Arsimit paralajmëron Qeverinë: Rritje pagash ose veprime sindikale, nuk përjashtohet greva

Kryetari i Sindikatës së Arsimit, Rrahman Jasharaj, tha se ndër kërkesat e tyre kryesore është rritja e pagave. Ai për Ekonomia Online tha se Sindikata...

Lajmet e Fundit