Pas raportimeve të shumta për transferimin e Cristiano Ronaldos te Juventus, të gjithë po pyeteshin pse ish-skuadra e CR7, Manchester United, nuk po ndërmerr diçka për ta kthyer portugezin në “Old Trafford”.Më në fund, është bërë e gjallë edhe Man.United dhe atë pas reagimeve të shumta të tifozëve të “Djajve të Kuq”, të cilët e dëshirojnë Ronaldon të kthehet në “Teatrin e Ëndrrave”.
United kanë kohë që thuhet se duan një ribashkim me yllin e Portugalisë dhe besojnë se lëvizja e tij te Juventusi nuk është një marrëveshje e bërë, pavarësisht se Ronaldo ka rënë dakord për një marrëveshje me kampionët e Serie A.Klubi anglez mbetet i interesuar edhe për Gareth Bale dhe Willian, por ata kanë pranuar privatisht se nuk do të jenë në gjendje të marrin uellsianin dhe se ata nuk janë të përgatitur për të plotësuar kërkesën e Chelseas për 70 milionë funtesh për brazilianin.
Unitedi shpreson të shfrytëzojë marrëdhënien me Jose Mendes, agjentin e Ronaldos dhe Jose Mourinhos, për të lehtësuar një marrëveshje mes dy klubeve.Sipas mediumit The Sun, zëvendëskryetari i ekzekutivit të Unitedit, Ed Woodward, po shqyrton mundësinë se çfarë do të duhej për të tejkaluar Juventusin në garë për transferimin e Ronaldos. /Insporti.com